XX. mendeko Euskararen Corpus estatistikoa
Testuingurua
ITZ-AURREAI.- Yosun Lagundiko Kardaberaz-tarr Aba ospetsuak idatzitako,
Ezagungarria, zabalgarria da, izan ere, Nekauste ederr ori; euskelzale eta euskel-yakintsu aundi batek egiña, eta antziñako aldi zoriontsuetan, Euskal-erriko eleizetan, ainbeste eta ainbeste bider gogoz abestua, pozez entzuna.
Ez da oraindik oitura gozo ori alde guztietan galdu; Yosu-Lagun Giputz-aren Nekaustea, ez Gipuzkoan bakarrik, Bizkaiko bazterr baten baño geyagotan ere, gogoz abestu oi da, pozik entzun oi da.
Elantzoben (erri bereziki baten oitura ekarrteko), Ostiral Done egunean urtero-urtero gogo berriagaz neurrtitz zarrak abesten dira; poz berriztuagaz antziñako abestia entzuten da....
¿Abestuko ez da ba gogoz, entzungo ez da ba posez euskeldun-artean; Euskeldun ospetsu batek egindako Nekaustea?....
2- Eta ¿nola egiña?....
Kardaberaz-tarr Yosu-Lagunak (bene-benetan Yosuren lagun) neurrtitz oyetan bere biotz zan-zana sarrtu zun, eta ondorengo euskeldun guztioi utzi zigun.
Obeki esateko, ez guri, Yosuren biotz maitetsuari utzi zion.
Ori dasa, gure Nekauste ederr onek aurrez-aurrez dakarren, esakerak:
Ezaguna da, Yosuren Biotzarenganako izan zun zaletasuna; beti-beti bere biotza Yainko-Biotzarekin bat eginda euki eta erabilli zun.
Eta Yosuren Biotz maitetsua su-garrez ixioturik, arantzaz buresturik, kurutzez ederrturik, ikusten zulako; eta su-garr-arantz-kurutz ayetan Yosuren Nekaustea, eta Nekauste gogorreko neke-min gogorragoak ikusten zitualako; biotz-biotzetik atera zun eta biotzagaz batera Yosuren Biotz Maitetsuari eskiñi zion, gaurr guk zuei, (euskeldun maite guztioi) daskeintzuegun Nekauste au.
3.- Kardaberaz aundiaren biotzetikan ateratakoa da; orregatik, bere biotza bezelakoa; Yosuren maitasunez betea, giz-gogoen egarriz larria, obenaren gorrotoz mindu eta atsekabetua.