XX. mendeko Euskararen Corpus estatistikoa

Testuingurua

Bere izketan eta bere eretxietan Juan XXIII'aren antz aundia artu geuntsan.

Iragarrita dagoan Batikano Batzar Nagusira joango zara? galdetu geuntsan, eta Berak: Ortodoxoak, Rodas ugartean dogu laster batzar bat, eta antxe erabagia artuko dogu orretzaz.

Kristauok ain bananduta gagozanik, ez dot uste: Kristo bat, Andra Mari bat eta siñismen bat ditugu; guk geure liturjia ta oitura berezi batzuk ditugu, ta Erroma'ko elizagaz alkartuteko, orreik galdu bearrik dagonik, ez dot usten.

Maitagarria oso gizon santu orrek egin euskun txera alai ta zintzoa.

Egun aretan poz-pozik egoan, Agia Sofia maomatarrak Mezkita biurtu eben antxiñetako eliz kristau ederra, ostera kristau museo egitea lortu ebalako.

Gizon aundi onetan itxaropen aundia ipiñita geunkan, ba, bere bitartez Ortodoxo eliza Erroma'ko elizagaz laster alkartuko zalakoan gengozan.

Berak, Jerusalen'en asita, bein baiño sarriagotan, Paulo Aita Santuagaz alkartasunaren bideak lautu ta leunduteko, alkar-izketak izan ebezan.

Uste dogu, Juan XXIII'agaz alkarturik, Goiko Aitari otoi beroa egingo dautsala Kristau guztion alkartasunaren alde.