XX. mendeko Euskararen Corpus estatistikoa

Testuingurua

IRITZI-ELKARKETA.

Berezia izango da azkenengo Iritzi-Elkartze au eta besteetatik ezberdiña.

Iritzi-Elkartze ontan sei taldeetako bakoitzak aurrez aukeratu ta gertatu duan adierazbidea agertuko du.

Adierazbide aueri itxura ta muiña ikusirik elkarrizketa bat sortuko dugu ikas-gelan; eta elkarrizketa bakoitza bukatzean, oraindik bete gabe gelditu ziran irukoitzaren aldameneko atal biak, laburpenez beteko ditugu.

Murala bukatuta gero, ikas-gelan ipiñiko dugu eta otoitz-aldi bat prestatu ta ospatuko dugu, Jaunaren Aginduak pozez beterik bizi ditzagun.

119 Salmua izango da otoitz onen asiera:
Zeuk eman dituzu zure aginduak,
zeatz-zeatz beteak izan daitezen;
egongo al da sendo nire bidea,
zure aginduak betetzeko!.

Zure legeak zeat-zeatz nai ditut bete:
ez nazazu Zuk bertan-beera utzi.

Biotz-biotzez billatzen zaitut,
ez utzi zure aginduetatik okertu nadin.

Erakutsi zaidazu, Jauna, zure legeen bidea.
Irakatsi zaidazu zure naia betetzen,
eta biotz-biotzez gordetzen.

Eraman nazazu zure aginduen bidetxigorretik,
bera bai-da nere atsegiña.
Eten gabe beteko dut zure naia,
beti ta beti.

Bide zabaletik ibilliko naiz,
zure aginduen billa.
Gartsu maite ditudan zure aginduak
izango dira nere atsegin.
Zeugana jasoko ditut nere eskuak,
zeure aginduak esanez.

Zeure eskuek egin eta eratu ninduten:
irakatsi zaidazu, zeure aginduak ikasi ditzadan.
Ez zaizkit iñoiz ere zure erabagiak aaztuko,
euron bidez eman bai-zenidan bizia.