XX. mendeko Euskararen Corpus estatistikoa

Testuingurua

ARRANTZALEAK

Nere begiko arrantzaleetzaz
orain nai nuke nik mintza,
itxasgizonen naia da eta
baietz eman nien itza.

Arrantzatikan bizi diranak
dabilkiten zorigaitza,
aspalditxoan estu ta larri
sendi askotxo dabiltza,
ta bertsoetan agertuko det
arrantzalien bizitza.

Bertso berriak jartzeko gaia
arrantzak eman dit, orra,
arrixku aundiko lantegia da
ta bizimodu gogorra.

Irabazteko asmotan jardun,
iñoiz azkenean zorra,
naiz giro txarra arrai ondoren
irtetea derrigorra,
arrantzan asi eta askotan
gero gaiñetik zigorra.