XX. mendeko Euskararen Corpus estatistikoa
Testuingurua
MIKAEL
bada oraino bihotz garbi asko!
Bere burua guretzat eman duenari
gorte egiteko eta Haren maitatzeko!
Jaunaren oste hautuzkoak badu indar!
Ikara zaitez Satan, deus ez dezakezu!
LUZIFER
Zure birjinen osteaz ez dut axolarik!
Badut esku haien gainean ere!
Urguluaren printzea naiz!
Birjinak izanik ere xahu eta pobre, zer dute nik baino gehiago?
Ni ere Birjina naiz
Eta gizonei zernahi ontasun emanik ere, nihaurentzat deus ez dira, kea baino gehiago!
Eta obedientzia? didazu ihardesten.
Ai, Mikael, zuk bezainbat badakit:
Ez dut ez obeditzen, baina bortxaz betetzen ditut Jainkoaren aginduak.
Birjinek ere ez ote dute obeditzen batzuetan, beren nahi propioa eta agindu lehia gordez bihotzean
Zer egiten dute beraz nik baino gehiago?
Urgulua non nahi sarrarazten badakit!
Ez banauzu sinesten, ikus [5ª] zure birjinen bertutea baino ez denentz pisuago!
MIKAEL,
ahantzi ahal duk, suge gaiztoa,
hi lehertu hauen Maria Birjinaren
haren distirak errausten dik hire erregetza!
Haizen urgulu untzia, hoa buruz behera!
DEBRUAK,
Uko! uko!
Aski, aski, Mikael!
Utz nazazu! Nagusi zara!