XX. mendeko Euskararen Corpus estatistikoa

Testuingurua

Aita Santuak ere
naiko min badauka,
argatik ari zaigu
beti erreguka:
zertan gabiltzan ola
anaiok burruka,
arantzak eskeñiaz
arrosaren truka.

Aitaren biotz bera
naigabetu degu,
argatik da guretzat
oinbeste erregu;
pakean bizitzeko
eskatutzen digu,
baña gerra-zaleak
izan ordea gu.

Aberats ta beartsu,
nola gazte ta zar,
asmo on bana artu
obe degu azkar;
gure oker guzia
gorrotoak dakar,
griña txarrak utzita
maita zagun alkar.