XX. mendeko Euskararen Corpus estatistikoa
Testuingurua
Bere altzoan pausatu zikan
Ene gazte gorputz gordina,
Bularren kontra tinkatu
Ene buru iluna;
Bere hatsaz berotu
Ene harpegi hoztua
Eta bere begiez xukatu
Nigar egin nikan
Burrustan nigar egin bozkarioz
Gau hartan ezagutu beinuen
Eta betikotz ezagutu eta konprenitu
Ene Ama dela
Eta ni haren Haurra
Haren sabeletik sortu umea
Haren haragitik moldatu haragia
Zonbeit urteen buruan
Ene etxondorat
Negua zukan: denbora ilun
Mendi kasko, landa eta alorrak...
Biloa xuritua matelak ximel
Ene Ama hatzeman nikan
supazter xokoan
Su haundi baten aintzinean
Lehengo Ama
Betiko Ama:
Bi begi argi
Zeruko urdina beno urdinago;
Bi ezpain gorri
Udako beroa beno beroago;
Bi beharri ttipi
bat zoin bestia beno ederrago