XX. mendeko Euskararen Corpus estatistikoa

Testuingurua

baleiteke
egunsentian ixartu neuban,
txoriaren
txorrotxio
zoliagaz
bat eginda
bere antzera kantetan ikasi-gure izatea
neu konturatu barik zer egiten dodan.

goiz-txoriari erantzuten
egon nazela
diñozu?
entzuten egon bazara
eta kantau dodanetik
ezer aditu badozu,
esan egidazu zer esan dodan
ezin neike gogoratu be egin nik-eta.

iñoz be ez neban jakin
zer egiten zenduan zuk
or zure berinezko gaztelu barruan
sartuta.

zoriontsu bizi ziñala, uste neban nik,
or zure urregorrizko gaztelutorre eder orretan.

baiña zure gaztelu orren
lorategitik
ibili dan
aizeak
esan deuste
zure barruko
ezkutua:
bein be ez ei-dozu euki
atsegiñik eta pozaldirik.