XX. mendeko Euskararen Corpus estatistikoa
Testuingurua
MATTIN BIHOTZANDI
ANDERE BAIBAI: Etxekandrearen partez!
MATTIN BIHOTZANDI: Bai haren partez eta etxeko-jaunaren partez.
ANDERE BILBIL: Ez dute beraz gure alderat herrarik?
ZENTZULUZ: Agur, ttantta maiteak.
KAXKOPEL: Ez mugi, ez mugi.
ANDERE BARE: Dute onskoa!
ANDERE BILBIL: Barnea goxatzen du!
ANDERE BAIBAI: Hola dut gustukoa: bero-beroa!
KAXKOPEL: Ikusi dugu atzo zertarat doan etxea, ez balin bagaude bakotxa gure tokian.
ANDERE BARE: Zer erran nahi duzu?
KAXKOPEL: Bai, ttantta, emazteak argitua ibiltzeko orde, zuekin ibili naiz.
ANDERE BILBIL: A, gaixoa! andere Bare-rekin ibiltzen bazare...
ANDERE BAIBAI: Oi! oi! atzoko karmañola!...
ZENTZULUZ: Hau erran behar dut: andere Bare, gure ttantta, ez da andere gaixtoa.
ANDERE BARE: Dutea baino ere ele goxoagoa!
ZENTZULUZ: Jitez goxoa da, eztia, jendakina.
ANDERE BARE: Hauk konplimenduak!
ANDERE BILBIL: Esne-urina iduzkitan bezala, urtuko zaiku gure Bare barea.
ANDERE BARE: Mokofin! hik, segur, bahuke urtzearen beharra.
KAXKOPEL: Ixil, andereak, ixil!
Entzun-azue Zentzuluz.
ZENTZULUZ: Bakotxak badugu gure jitea; bainan bakotxaren jitea gaikiratzen ahal da ala oneratzen.
Nere senarrak, bere onean delarik dionaz, badut zentzu; bainan zentzua ere behar da oneratu, behar da maitasun-bidean sar-arazi.
Hori faltatu zaitala ohartu naiz, Mattin Bihotzhandi mintzatuz geroztik.
Izan banu zentzu bezenbat amodio, Kaxkopel nere senarrak nahikunde azkarragoa izanen zuen; eta ez zen - barka, otoi! - andere Bareren bidetarat lerratuko.
ANDERE BARE: Zer egin behar dut beraz?
Etxe huntarik joan.
KAXKOPEL: Ez, ez.
ZENTZULUZ: Etxekoa zaitugu, ttantta, etxekoa; zure jitea, haatik, sar-araz zuk ere maitasun bidetan.
Emazu etxean goxotasun, eztitasun.
Izan zaite, amatxi bat bezala, gure zazpi haurren bozgarri.
ANDERE BAIBAI: Eta gutaz,
ANDERE BILBIL: Gutaz zer diozu?
ZENTZULUZ: Gauza bera.
ANDERE BAIBAI: Oi, oi!
ANDERE BILBIL: E-e-e, ez ditake.
ZENTZULUZ: Bai zuek ere jitez onak zarezte.
Andere Bilbil-ek badaki gauzen balioa; eta andere Baibai-k jenden balioa.
Haatik andere Bilbil-ek, bil bil egiteko orde, egiten balu eman-eman, zer ttantta paregabea litaken!