XX. mendeko Euskararen Corpus estatistikoa
Testuingurua
GOIZA.Itxaroz oparotsu datorkit goizean
Udabarri zelaia lez egun-sentia,
Maitez zabaltzen daula goiz-argi joria
Argi orrek goitikan bere gezna dakar
Ta urten-ate bageko bidez bide doa;
Pozezko eresia zerura digoa,
Goizez oro eder. Bekoki aratzen
Ames urdin goria izarretan dindil.
Lurrari emoteko poz-kezka ta iskanbil
Uhatsa bete da argi dantzariz zorakor,
Ta Aita'gana naroa eskuz oratua.
Alaitasuna oro, bigun araztua,
Ildo zabal biotza, ar daidan argia.
Pozarren lorea da iruntzez astuna:
Ez bedi gaur samiñik, urrun beazuna;
Ez negarrik geigo zidor egaletan,
Ez geigo gurutzerik orma gerizean.
Ardoa bego, ostera, guztien maiean
Bekar egun barriak itxaro gozua
Izadira bezenbat leun nire barnera.
Bigo ene arnasa egazka ortzera,
Ez geiago zabarrik, ezta erortzerik.
Beuko bakoitzak gertu barreneko ildoa
Poza ta Jainkoaren bake txit goxoa